නීතිය හා සාමය යථා තත්ත්වයට පත් කිරීමට කමිටුවක්

Date:


නීතිය හා සාමය යථා තත්ත්වයට පත් කිරීම සහ තත්ත්වය සාමාන්‍ය තත්ත්වයට ගෙන ඒම සඳහා ආරක්ෂක මාණ්ඩලික ප්‍රධානී, පොලිස්පති සහ ත්‍රිවිධ හමුදාපතිවරුන්ගෙන් සමන්විත කමිටුවක් පත් කළ බව වැඩබලන ජනාධිපති අග්‍රාමාත්‍ය රනිල් වික්‍රමසිංහ මහතා පවසයි.

 

අද (13) විශේෂ ප්‍රකාශයක් නිකුත් කරමින් ඔහු මේ බව සඳහන් කළේය.

 

මේ තත්වය පාලනය කර තමන්ට වාර්තාවක් ලබාදීම කළ යුතු බව ද හෙතෙම පැවසීය.

 

ජනාධිපති ගෝඨාභය රාජපක්ෂ ඉල්ලා අස්වීමෙන් පසු ඇතිවන තත්වය සාකච්ඡා කරන්න සඳුදා දවල් පක්ෂ නායකයන් මුණ ගැසුණා. ලබන සතියේ දී ඡන්දය පවත්වා මන්ත්‍රීවරුන්ට ආරක්ෂාව දෙන්නත් තිරණයක් ගත්තා. සර්ව පාක්ෂික ආණ්ඩුවක් ඇතිකරන්න යන විට මම අගමැති කමනේ ඉවත්වෙනවා. නැවත සිකුරාදා රැස්වෙන්න තීරණය කරලා අපි විසිරිලා ගියා. ඒ අතෙර් දී වෙනත් අය සාකච්ඡා කරලා ජනාධිපති වෙන්න අගමැති වෙන්න සහය ඉල්ලන්න ගියා.

 

මේ වගේ ප්‍රජාතන්ත්‍රවාදී වාතාවරණයක් රටේ තිබුණේ. ඊයේ ජනාධිපතිවරයා රටෙන් පිටව ගියා. පිටව යන බවත් ඉල්ලා අස්වන බවත් කිව්වා. බුද්ධි අංශයට ලැබී තිබුණු තොරතුරු අනුව එතුමා ගියාට පස්සේ ජනාධිපතිවරයෙක් ‍තෝරන්න ගියත් අරගලයේ හිටි අය සංවිධානය කරන්න සූදානම් වෙලා තිබුණා අගමැති කාර්යාලය අල්ලන්න. ගුවන් හමුදාපතිගේ නාවික හමුදාපතිගේ ගෙවල් වටලන්න තීරණයක් තිබුණා. පාර්ලිමේන්තුව වටලන වැඩකුත් තිබුණා.

 

කතානායක ආරක්ෂක මාණ්ඩලික ප්‍රධානී එක්ක සාකච්ඡා කරලා මාණ්ඩලික ප්‍රධානී එකඟ වුණා පාර්ලිමේන්තුව ආරක්ෂා කරන්න. අද මේ ආපු කණ්ඩායම් කැරළිගනවා. ගෝලාහල කරනවා ඒ අයට අගමැති කාර්යාලයට යන්න කිසිම හේතුවක් නෑ. නීත්‍යානුකූලව මම වැඩබලන ජනාධිපති වෙලා කතානායකවරයා සමඟ එකතුවෙලා ජනාධිපතිවරයෙක් පත්කරගන්න එක නවත්වන්න. ඒ අයට ඕනවෙලා තියෙන්නේ තමන්ගේ අපේක්ෂකයා තෝරගන්න. සමහරු කියනවා රටේ ව්‍යවස්ථාව වැඩක් නෑ. පාර්ලිමේන්තුව වැඩක් නෑ. අපි කියන එක කරන්න කියලා. මේ රටේ ව්‍යවස්ථාවේ ජනතාව‍ගේ සර්වජන ඡන්දයත්, පරමාධිපත්‍යයත් ක්‍රියාත්මක වෙන්නේ පාර්ලිමේන්තුවේ. අපිට ව්‍යවස්ථාව වැඩක් නෑ. ව්‍යවස්ථාව ඉරලා දාන්න කියනවා නම් ඒක ව්‍යවස්ථා විරෝධී වැඩක්. මේ රටේ පැසිස්ට්වාදී දේශපාලන පතුරුවන්න හදනවා. ඒකට සම්ප්‍රදායික අයත් එකතුවෙලා. ඒ නිසා ආරක්ෂක අංශ ඉල්ලා සිටියා හදිසි නීතියත්, ඇඳිරිනීතියත් ක්‍රියාත්මක කරන්න කියලා. ඒ නිසා මම අද ඒවා ක්‍රියාත්මක කරගෙන යනවා. මිනිසුන්ගේ නිවාස ආරක්ෂා කරන්න ඕනෑ. මේ රටේ ජනාධිපති කාර්යාලය අගමැති කාර්යාලය අල්ල‍ගන්න දෙන්න බෑ. ඒ නිසා හදිසිනීතිය ඇඳිරිනීතිය යෙදවලා මේ තත්වය නැවත සාමාන්‍ය තත්වයට ගන්න කියලා ආරක්ෂක අංශවලට මම උපදෙස් දීලා තියෙනවා. මාණ්ඩලික ප්‍රධානී, පොලිස්පති සහ ත්‍රිවිධ හමුදාවෙන් යුතු කමිටුවකට සම්පූර්ණ බලය දුන්නා. ඒකට දේශපාලන බලපෑමක් නෑ. සාමය ආරක්ෂා කරලා මට වාර්තා කරන්න සම්පූර්ණ බලය දුන්නා. ත්‍රිවිධ හමුදාවට සහ පොලිසිය ජනතාවගේ සහය ලබාදෙන්න කියලා මම ඉල්ලා සිටිනවා.

Share post:

Popular

More like this
Related

Who is Natalie Morales’ husband, Joe Rhodes?

JOURNALIST Natalie Morales shares display time with a...

35 Times ‘Insane’ Parents Did Things That Were So Absurd, They Got Shamed Online

“We’re simply making an attempt to...

Luke Jackson, Brodie Grundy deals could hinge on Griffin Logue and Darcy Tucker trade

Good morning everybody, and welcome to our rolling...